Joe Jonas ka nisur një kapitull të ri në jetën e tij sentimentale. Këngëtari i njohur është në një lidhje me modelen Tatiana Gabriela, më shumë se një vit pasi finalizoi divorcin nga aktorja Sophie Turner.
Sipas Us Weekly, dyshja ka filluar të shihet që në fund të verës së kaluar. Një burim për median amerikane ka bërë të ditur se Jonas tashmë ia ka prezantuar Gabrielën familjes, miqve dhe dy vajzave të tij, Willa (5 vjeç) dhe Delphine (3 vjeç), të cilat i ka nga martesa me Turner.
Joe Jonas dhe Tatiana Gabriela janë fotografuar së bashku më 1 janar në një park lojërash në Miami, ku shoqëroheshin edhe nga vajzat e këngëtarit. Sipas DeuxMoi, ata janë parë për herë të parë bashkë në shtator, duke pirë kafe në Los Angeles.
Së fundmi, Jonas ka tërhequr vëmendjen e fansave edhe në rrjete sociale, pasi ka pëlqyer dhe komentuar me një emoji në formë “drooling” një postim të Gabrielës në Instagram për Vitin e Ri, ku ajo shfaqej me një fustan të shkurtër ngjyrë ari. Reagimet e ndjekësve nuk munguan, duke spekuluar se kjo ishte një konfirmim i heshtur i lidhjes.
Joe Jonas dhe Sophie Turner u ndanë në shtator të vitit 2023 pas katër vitesh martesë dhe e finalizuan divorcin një vit më vonë. Aktorja e “Game of Thrones” është lidhur më pas me Peregrine Pearson dhe, sipas raportimeve të fundit, edhe me këngëtarin Chris Martin.
Në një intervistë të dhënë në maj 2025 gjatë një transmetimi në TalkShopLive, Jonas kishte pranuar se ideja për të dalë sërish në takime pas divorcit ishte e frikshme për të.
“Ishte shumë e frikshme dhe intimidues”, kishte thënë ai, duke shtuar se po rizbulonte kuptimin e dashurisë. “Dashuria merr forma të ndryshme. Ndonjëherë duhet thjesht të marrësh një hap besimi dhe të provosh sërish.”
