Flash

Kërcënohet me jetë gazetari Osman Stafa, për denoncimet tek Onkologjiku

Lapsi.al 11 December 2025
Kërcënohet me jetë gazetari Osman Stafa, për denoncimet tek

Pas serisë së denoncimeve mbi mungesat e ilaçeve, pajisjeve dhe abuzimet me pacientët në Spitalin Onkologjik, gazetari i News24, Osman Stafa, është bërë shënjestër e një mesazhi kërcënues.

Kërcënimi, i ardhur nga një adresë anonime në rrjetet sociale, përdorte gjuhë fyese e vulgare dhe i kërkonte gazetarit të mos shfaqej më në ambientet e Onkologjikut dhe të ndalonte raportimet mbi korrupsionin në këtë institucion.

Menjëherë pas marrjes së mesazhit, Stafa ka depozituar një kallëzim penal në Policinë e Shtetit, duke e cilësuar rastin si “kërcënim për shkak të detyrës”. Autoritetet kanë nisur hetimet për identifikimin e personit që fshihet pas adresës anonime dhe motivet e tij.

Pavarësisht presioneve, gazetari Osman Stafa deklaron se nuk do të tërhiqet nga investigimet për gjendjen alarmante në Onkologjik. Ai thekson se çdo kërcënim vetëm sa e forcon vendosmërinë e tij për të nxjerrë në dritë abuzimet që rëndojnë mbi pacientët e prekur nga sëmundjet tumorale.

Prej vitesh, Stafa ka raportuar në mënyrë të vazhdueshme problemet e thella të sistemit onkologjik: mungesën e brakiterapisë, një shërbim jetik për pacientet me tumore gjinekologjike, mungesën e PET-scanit, të domosdoshëm për diagnostikimin e saktë; mungesat e përsëritura të ilaçeve të kimioterapisë, si edhe raste të rënda abuzimi dhe korrupsioni nga personeli mjekësor, përfshirë trafikimin e biopsive drejt laboratorëve privatë.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI