Në episodin e fundit të serialit “The Kardashians”, Kourtney Kardashian zbuloi se është larguar nga grupi familjarpasi nuk duronte më negativitetin e motrës së saj, Khloé Kardashian.
“Thjesht nuk e kontrolloja dot veten,” – tha Kourtney, duke treguar se Khloé kishte filluar të komentonte e të gjykonte çdo postim në rrjete sociale. “Ajo fliste për të gjithë. Unë iu përgjigja: ‘S’kemi kohë për këtë. Lërini njerëzit të jetojnë jetën e tyre!’”
Në rrëfimin për kamerat, 46-vjeçarja tha se përpiqet të limitojë komunikimin me njerëz negativë gjatë ditës.
“Unë dua të përhap vetëm dritë dhe dashuri. Nëse dikush më jep arsye për t’u larguar nga biseda, e bëj menjëherë,” – tha ajo me qetësi.
Por Khloé Kardashian, në një intervistë të sajën në po të njëjtin episod, nuk i mori aspak mirë fjalët e motrës.
“Kush e thotë diçka dhe del nga biseda? Kjo është qesharake,” – u shpreh ajo, duke e quajtur Kourtney “miserable” dhe duke e akuzuar se po projektonte problemet e veta tek të tjerët.
“Ti thua që unë jam negative? Jo, ti je e pakënaqura me jetën tënde. Unë jam shumë e lumtur dhe pozitive. Jetoj një jetë fantastike!” – shtoi Khloé, e irrituar.
Drama mes motrave vjen vetëm një javë pasi Khloé e akuzoi Kourtney-n se e kishte “turpëruar” për mënyrën si vishej, duke i thënë se “gjykon të gjithë, por nuk do që ta gjykojnë”.
