Justin Bieber ka reaguar me humor ndaj lutjes së ndjerë të nënës së tij, Pattie Mallette, e cila publikisht kërkoi lutje dhe forcë për djalin e saj në një postim emocional në Instagram.
Në një postim në Instagram, Mallette ndau disa foto të këngëtarit dhe shkroi:
“Shpall liri, forcë, qartësi dhe shërim për ty, Justin. Çdo zinxhir frike, konfuzioni, rëndese dhe dhimbjeje — u shkëputshin në emër të Jezusit... Shëro çdo plagë në zemrën, mendjen dhe trupin tënd, të dukshme dhe të fshehura. Rikthe gjithçka që është vjedhur dhe mbuloje me PLOTËSI.”
Ajo vazhdoi:
“Mbushe me dashurinë dhe ngushëllimin Tënd. Bëje një zë të fuqishëm për Mbretërinë Tënde, i patundur dhe me zjarr për Ty, Zot. Hesht çdo zë që nuk vjen prej Teje, dhe le të jetë jeta e tij një dëshmi e fuqishme për dashurinë, hirin dhe shërimin Tënd.”
Por Bieber nuk vonoi të komentonte me humor në postim:
“E vetmja gjë nga e cila kam nevojë të shërohem është gishti i vogël i këmbës, që më është vrarë duke luajtur ping-pong.”
Nuk është e qartë se çfarë specifikisht e motivoi Mallette të bënte një lutje publike për djalin, por dy ditë më parë, vetë Justin kishte ndarë në rrjetet sociale një reflektim për besimin e tij dhe mënyrën si e ndihmon të përballet me famën.
Në një postim më 20 shtator, ai shkroi:
“Jezusi na mëson se përpjekja jonë është thjesht një përgjigje ndaj jetës dhe faljes që na është dhënë... Jezusi bëhet shpërblimi. Dhe rritja shpirtërore bëhet një dëshirë, për shkak të hirit që kemi marrë.”
Bieber ka qenë aktiv edhe në skenën muzikore me albumin e tij të fundit “Swag II”, të publikuar më 5 shtator, i cili përfshin këngë si “Story of God” dhe “Everything Hallelujah.” Në klipin e këngës “Speed Demon,” ai shfaqet me një bluzë ku shkruhet “Pray for Me” (Lutu për mua).
Pavarësisht zërave për gjendjen e tij emocionale apo martesore, burime për revistën PEOPLE bënë të ditur më 17 shtator se Justin dhe bashkëshortja e tij Hailey Baldwin Bieber po ecin përpara të bashkuar, duke festuar përvjetorin e shtatë të martesës dhe ditëlindjen e parë të djalit të tyre, Jack Blues, në gusht.
“Ata kanë pasur sfida si çdo çift tjetër, por gjithmonë kthehen te ajo që besojnë: që janë shpirtra binjakë. Prindërimi vetëm sa e ka forcuar lidhjen e tyre,” u shpreh burimi.
