Karriera e trazuar e Kanye West ka qenë prej kohësh e mbushur me polemika, kontrata të anuluara dhe shpenzime të dyshimta. Por ndërsa reperi përballet me kriza të mëdha financiare, burime pranë çiftit pretendojnë se bashkëshortja e tij, Bianca Censori, po përfiton në heshtje – duke kursyer miliona.
Sipas një raporti të publikuar nga RadarOnline, Censori është paguar për pjesëmarrjen e saj në “shfaqjet” publike të çuditshme të tyre.
Burime pranë çiftit zbulojnë se West i paguan asaj rreth 250,000 dollarë për çdo "skenar" të inskenuar, përfshirë puthjen me gjuhë në një festë në Korenë e Jugut, para një koncerti të tij.
“Kanye e sheh këtë si një formë të dominimit financiar – ai kënaqet dhe ajo po fiton shuma të mëdha,” tha burimi.
Por ndryshe nga perceptimi publik, Bianca nuk është duke shpenzuar shumat marramendëse. Sipas burimeve, ajo po kursen në mënyrë të kujdesshme, në rast se marrëdhënia e tyre përfundon.
“Ajo është shumë e zgjuar. Fjala është që aktualisht ka kursyer afro 10 milionë dollarë, ndoshta edhe më shumë. E ndjen se e meriton për gjithçka që ka duruar.”
Ish-arkitektja e kompanisë Yeezy e sheh këtë periudhë si një mundësi jo vetëm për famë publike, por edhe për të ndërtuar një karrierë të re të pavarur.
Ndërkohë që Bianca duket se po përfiton nga marrëdhënia, Kanye West përballet me një rënie të fortë ekonomike. 48-vjeçari është ndaluar të performojë në disa vende për shkak të deklaratave të tij ekstreme, ndërsa kontratat e mëparshme shumë fitimprurëse janë anuluar.
Ai së fundmi nxori në shitje apartamentin e tij në Calabasas për rreth 3 milionë dollarë, një shumë që burimet e konsiderojnë si "asgjë" krahasuar me borxhet që ai ka.
Thuhet se reperi përballet me borxhe që arrijnë në miliona, përfshirë taksa të papaguara dhe penalitete për prona.
“Kanye po i mbarojnë paratë. Nëse vazhdon kështu, gjithçka do të përfundojë në katastrofë,” paralajmëroi burimi. E vetmja që po del fitimtare në këtë situatë është Bianca,” përfundoi burimi.
