Flash

Inteligjenca gjermane: Rusia po na sulmon masivisht

Lapsi.al 21 July 2025
Inteligjenca gjermane: Rusia po na sulmon masivisht

Përpjekjet e Rusisë për të destabilizuar shoqërinë gjermane janë rritur ndjeshëm këtë vit, sipas shefes së kundërzbulimit ushtarak të Gjermanisë.

“Po flasim për një rritje të mprehtë të rasteve të spiunazhit dhe masave hibride,” tha Martina Rosenberg për agjencinë gjermane të lajmeve DPA. “Qasja është më masive dhe gjithashtu më agresive.” 

Numri i rasteve ku dyshohet për përfshirje ruse është dyfishuar gjatë gjysmës së parë të këtij viti, raportoi DPA në intervistën me Rosenberg, e cila është presidente e Militärische Abschirmdienst, ose Shërbimi Ushtarak i Kundërzbulimit.

“Nuk është sekret: Si një nyje logjistike për lëvizjet e trupave të NATO-s dhe si një partnere aktive e NATO-s, Gjermania është gjithmonë në shënjestër të shërbimeve të huaja të inteligjencës,” shtoi Rosenberg, fjalët e së cilës pasqyrojnë ato të shefit të spiunazhit të Estonisë nga viti i kaluar.

Lexo më tej: Politico: Si e përpunoi Gjermania Trump-in dhe rreshtoi vendet europiane 

Së fundmi, marina gjermane ka parë operacione sabotimi në bordin e anijeve: kabuj të dëmtuar, vaj në furnizimin me ujë, ose copa metali në mekanizmin e lëvizjes.

Që përpara pushtimit të plotë të Moskës në shkurt 2022 ndaj Ukrainës, operacionet e fshehta ruse po ndodhnin në Gjermani. Një gjykatë gjermane dëboi dy diplomatë rusë në vitin 2021 për shkak të vrasjes së një shtetasi gjeorgjian, për shembull.

Shërbimi sekret i Rusisë i gjen rekrutët në internet, dhe ata shpeshherë nuk janë të vetëdijshëm për qëllimin përfundimtar, si adoleshenti ukrainas që shkaktoi një shpërthim në një dyqan Ikea në kryeqytetin e Lituanisë, Vilnius, në mars 2024.

Politico, përshtati në shqip ©LAPSI.AL 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

15°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI