Rama qeveris me aksione dhe propagandë. Jo me sisteme e as me ligj. Tre vite me parë kryeministri bëri një fushatë të tërë për mbylljen e sporteleve në zyrat e shtetit kaloi 95% të shërbimeve publike online në portalin qeveritar e-Albania. Ministra e drejtorë të agjencive i prinin kësaj fushate qe trumbetonte me të madhe mbylljen e sporteleve. Ndërkohë sot kryeministri promovon në faqen e tij se pranë cdo bashkie ka zyra ku qytetarët mund të shkojnë për asistencë përmes e- Albania.
“Të gjithë qytetarët që kanë nevojë për asistencë në përdorimin e platformës e-Albania për shërbime të caktuara, mund t’i drejtohen në çdo qytet zyrave të bashkive, si dhe njësive administrative përkatëse, për të marrë shërbimin e kërkuar, FALAS. Çdo subjekt privat (noter, avokat apo zyrë tjetër) që kërkon pagesë për shërbime të ofruara nga e-Albania është në shkelje të ligjit dhe mund të denoncohet pranë institucioneve përkatëse e sanksionohet deri në heqjen e liçencës”, shkruan Rama.
