Vullnet Sinajt në Vlorë nuk i del e keqja me Damian Gjiknurin, i cili doli deputeti më i votuar në qarkun Vlorë. Para zgjedhjeve Sinaj kishte hedhur një bast me veten për të qenë kandidati më i votuar në 11 maj në 7 bashkitë e këtij qarku.
Por teksa dështoi me sukses në këtë mision, tani e ha përbrenda se kush ia ka futur gjatë numërimit të votave.
Sinaj i është drejtuar me një kërkesë Komisionit Qëndror të Zgjedhjeve, ku i kërkon vënien në dispozicion të pamjeve filmike të procesit të numërimit të votave në Bashkinë Himarë dhe Vlorë.
Me siguri Sinaj do t’i këqyrë vetë pamjet për të kuptuar nëse ka pasur parregullsi apo jo. Kujtojmë që ai mezi shpëtoi heqjen e mandatit të deputetit përmes manovrave të mazhorancës me Gjykatën Kushtetuese.
Sinaj akuzohet nga opozita se ka përfituar para publike përmes rrjetit të tij të supermarketeve teksa ushtronte mandatin e deputetit. Kjo përbën shkelje kushtetuese!
Tani nuk mjaftohet me faktin që arriti të zgjidhej deputet, por do të cojë deri në fund bastin me veten e tij, për t’i treguar Edi Ramës se populli i Vlorës do më shumë atë sesa Damian Gjiknurin.
Sinaj e shpenzoi një pjesë të mirë të fushatës duke pyetur poshtë e përpjetë njerëzit, nëse ishte gjë e mirë apo e keqe ngjashmëria e tij me strategun amerikan të PD-së, Chris Lacivita. Ndoshta nuk ka arritur ta kuptojë as tani!
