Rezidenca 5.5 milionë dollarëshe e Brad Pitt në lagjen luksoze Los Feliz të Los Anxhelosit është grabitur mbrëmjen e së mërkurës, ka konfirmuar Page Six.
Një zëdhënës i policisë së LAPD-së tha se tre persona kanë kapërcyer rrethimin dhe janë futur nëpërmjet një dritareje në pjesën e përparme të shtëpisë, rreth orës 22:30 dhe janë larguar me sende ende të paidentifikuara.
Policia nuk konfirmoi zyrtarisht pronësinë e banesës, por mësohet se bëhet fjalë për shtëpinë që aktori i njohur bleu në prill të vitit 2023 nga trashëgimtarja e naftës, Aileen Getty. Në të njëjtën kohë, Getty bleu shtëpinë e mëparshme të Pitt për plot 33 milionë dollarë, gjithashtu në të njëjtën lagje.
Brad nuk ndodhej në shtëpi në momentin e grabitjes, pasi është aktualisht në një turne promovues për filmin e tij të ri “F1”, me paraqitje të fundit në Londër, Meksikë dhe New York.
Jennifer Aniston, ish-bashkëshortja e parë e Pitt, përjetoi gjithashtu një incident kur një burrë u përplas me makinë në portën e rezidencës së saj 21 milionë dollarëshe në Bel-Air. Autori, Jimmy Wayne Carwyle, u arrestua për dëmtim të qëllimshëm prone (felony vandalism). Aniston raportohet se ishte në shtëpi në atë moment.
