Jessie J, ka ndarë një video pas operacionit, vetëm disa javë pas diagnostikimit me kancer të gjirit.
Këngëtarja e hitit "Bang Bang", e cila ka emrin e vërtetë Jessica Cornish, ka dhënë një përditësim për shëndetin për ndjekësit e saj, duke treguar se është rikthyer në shtëpi ku do të “pushojë dhe pres rezultatet e mia.”
“Ky postim është disa nga uljet dhe ngritjet më të sinqerta të 48 orëve të fundit,” shkroi këngëtarja britanike, 37 vjeçe, në Instagram të hënën.
“Do të tregoj gjithmonë pjesët e mira dhe të vështira të çdo udhëtimi që kaloj. E falenderoj doktorin tim / kirurgun dhe të gjithë infermierët që kujdesen për mua, si dhe të gjithë miqtë dhe familjen që erdhën për të më vizituar,” shtoi ajo për 14 milionë ndjekësit e saj në platformë.
[embed]https://www.instagram.com/p/DLQc1Q9MAEF/[/embed]
Postimi i këngëtares përfshinte disa foto, përfshirë një ku ajo shfaqet në shtratin e spitalit, si dhe foto me djalin e saj 2-vjeçar, Sky, dhe të dashurin e saj Channan Safir Colman.
Në një nga videot, këngëtarja e “Domino” i shpjegon djalit të saj se operacioni ka të bëjë me shkarkimin e gjakut nga gjoksi i saj.
“Pra, uji dhe gjaku dalin nga gjoksi i mamit dhe kalojnë në tub dhe në shishe,” i thotë ajo djalit në video.
Një tjetër foto tregon Colman-in që i puth ballin ndërsa ajo pret për operacionin.
“Përshëndetje për të gjithë ata që po kalojnë diçka të vështirë tani. Të gjithë do t’ia dalim,” përfundoi postimin e saj.
Në postimin e parë për shëndetin e saj, këngëtarja kishte treguar se kishte mësuar për diagnostikimin tre muaj më parë, pak para publikimit të këngës “No Secrets” në fund të prillit.
Ajo theksoi gjithashtu ironinë e kësaj situate në lidhje me sfidat e saj shëndetësore.
“Për t'u diagnostikuar me këtë, ndërkohë që po publikoj një këngë që quhet 'No Secrets', pak para një kënge që quhet ‘Living My Best Life’, të gjitha ishin planifikuar para se unë të mësojq për këtë. Nuk mund ta besosh.”
Pasi performoi në Summertime Ball në Londër më 15 qershor, këngëtarja u tha fansave se do të “zhdukej për pak kohë.”
