Flash

Pranga nënës së Getoar Selimit, akuzat për korrupsion në Ministrinë e Infrastrukturës

Lapsi.al 12 June 2025
Pranga nënës së Getoar Selimit, akuzat për korrupsion

Policia e Kosovës ka ndërmarrë këtë të enjte një aksion të bujshëm brenda ambienteve të Ministrisë së Mjedisit, Planifikimit Hapësinor dhe Infrastrukturës, ku janë arrestuar disa zyrtarë nën dyshimet për përfshirje në korrupsion.

Mes të arrestuarve është edhe Florije Kelmendi Selimi, nëna e reperit të njohur Getoar Selimi, një emër i njohur për publikun shqiptar jo vetëm për shkak të lidhjes familjare, por edhe për angazhimin e saj institucional.

Sipas njoftimit zyrtar nga Policia e Kosovës, arrestimet janë kryer me urdhër të Prokurorisë kompetente dhe lidhen me hetime mbi veprën penale “Keqpërdorim i detyrës apo autoritetit zyrtar”. Përveç Florije Selimit, janë ndaluar edhe dy zyrtare të tjera të ministrisë në fjalë.

“Policia e Kosovës me njësitë e saj relevante, me autorizim të Prokurorisë kompetente, sot në Prishtinë është duke kryer hetime ndaj disa personave mbi dyshimet për keqpërdorim të detyrës zyrtare,” deklaroi zëdhënësi i Policisë, Baki Kelani.

Aksioni është konfirmuar gjithashtu edhe nga Prokuroria Themelore në Prishtinë, me zëdhënësen Kaltrina Shala, e cila bëri të ditur se hetimet po zhvillohen në bashkërendim të plotë me Policinë e Kosovës.

Ndërsa detajet rreth çështjes mbeten ende të kufizuara, pritet që pas përfundimit të procedurave të para, organet e drejtësisë të publikojnë më shumë informacion mbi rolin dhe përgjegjësitë e secilit të ndaluar.

Fakti që mes të arrestuarve ndodhet nëna e një prej figurave më të njohura të skenës muzikore shqiptare, ka tërhequr vëmendje të madhe publike dhe mediatike.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI