Analisti Fatos Lubonja i ftuar në “LOG.” në News 24 duke folur për përfundimin e procesit të numërimit të votave preferenciale të diasporës, tha se ky proces nuk është transparent.
Lubonja fajësoi Partinë-shtet që sipas tij, kontrollon shtetin, administratën, ekonominë, që ka në kontroll drejtësinë, krimin e organizuar, pra të gjitha këto bëjnë që zgjedhjet të mos jenë të ndershme.
"Kam thënë që diaspora për një arsye shumë të thjeshtë është tregues e asaj që ndodh në Shqipëri. Partia shtet që kontrollon shtetin, administratën, ekonominë, që ka në kontroll drejtësinë, krimin e organizuar, pra të gjitha këto bëjnë që zgjedhjet të mos jenë të ndershme.
Kur arrin të kontrollohet ky proces dhe vota e Diasporës ishte e qartë, sepse e kam thënë do ketë goditje. Me një kontroll merren votat.
Kemi të dhëna që janë përdorur metoda, por dhe vetëseleksionimi , dikujt i ka shkuar zarfi dikujt jo. Njeriu që merrej me diasporën, ka qenë komisionere e PS, pra kanë njerëzit e tyre gjithandej, ne do të bëjmë këtë analizë" - tha Lubonja. /BalkanWeb
