Flash

Vartësi i Ballukut, Gentjan Gjyli paraqitet në SPAK

Lapsi.al 13 May 2025
Vartësi i Ballukut, Gentjan Gjyli paraqitet në SPAK

Drejtori i Autoritetit Rrugor Shqiptar, Gentjan Gjyli është paraqitur në SPAK. Kjo është hera e tretë që zyrtari thirret nga Prokuroria e Posaçme. Ai është paraqitur në SPAK edhe në janar si dhe muajin e kaluar.

Ende nuk ka një njoftim zyrtar nëse paraqitja e tij lidhet me të njëjtën çështje si më parë apo me një hetim të ri ndaj tij.

SPAK ka ngritur akuza ndaj Gjylit për shkelje të barazisë në tendera dhe shpërdorim detyre. Prokuroria e Posaçme ka zbuluar 10 praktika tenderimi ku rezulton i përfshirë Gjyli, ndërsa të dyshuar rezultojnë edhe anëtarë komisioni e zyrtarë të tjerë.

Gentjan Gjyli zëvendësoi Evis Berberin në krye të ARRSH-së, i cili përfundoi në pranga me urdhër të SPAK për akuzën e korrupsionit e pastrimit të parave.

Nga hetimet ka rezultuar se Berberi është i përfshirë në 6 tendera që SPAK pretendon se janë dhënë në mënyrë abuzive, 3 në kohën që ishte Drejtor i Eficencës së Energjisë dhe 3 si drejtor i ARRSH. Totali i tenderave kap një vlerë prej rreth 2.2 milionë euro. Përveç Berberit, në pranga janë vënë edhe Valter Begaj dhe Ervis Lami, administratorë të kompanisë DAAM, që dyshohet se kanë përfituar tenderat në mënyrë abuzivë.

Gentjan Gjyli më herët ka mbajtur postin e shefit të sektorit të projekteve dhe atë të zv/Drejtorit të Përgjithshëm të ARRSH, derisa u emërua në krye të institucionit.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI