Billy Ray Cyrus bëri kërkes për divorc nga Firerose pas më pak se një viti martesë, mund të konfirmojë ET.
Sipas dokumenteve gjyqësore të marra nga ET, aktori i Hannah Montana dorëzoi dokumentet më 23 maj në Williamson County, Tennessee.
Ai e rendit datën e ndarjes si 22 maj dhe arsyen e zgjidhjes së martesës e ka përmendur si “ndryshime të papajtueshme” dhe “sjellje të papërshtatshme martesore”. TMZ ishte i pari që raportoi për divorcin.
Këngëtari i "Butterfly Fly Away", dhe Firerose u martuan më 10 tetor 2023 në Franklin, Tennessee. Çifti e shpalli lajmin e në Instagram.
“23/10/23 do të jetë gjithmonë dita më e bukur dhe e gëzueshme që dy shpirtrat tanë u bashkuan në një martesë të shenjtë”, shkruan ata në postimin, ku shfaqet çifti i përqafuar në një majë mali.
Çifti, i cili u njoh për herë të parë në xhirimet e Hannah Montana, përpara se të bëheshin bashkëpunëtorë muzikorë, u fejuan në gusht të 2022-shit.
Ata folën për marrëdhënien e tyre në një intervistë me Good Morning America gushtin e kaluar, vetëm disa ditë pasi ish-gruaja e Billy Ray, Tish, gjithashtu u martua përsëri -- me aktorin e Prison Break, Dominic Purcell.
Kjo do të shënojë divorcin e tretë të tij. Ai ishte martuar më parë me Cindy Smith (1986-1991) dhe më pas me Tish. Ata u martuan në dhjetor 1993 dhe u divorcuan në prill 2022 pas gati tre dekadash martesë.
Billy Ray dhe Tish kanë tre fëmijë - Miley, 31, Braison, 30 dhe Noah, 24. Artisti adoptoi gjithashtu fëmijët e Tish, Brandi, 37, dhe Trace, 35 vjeç./Lapsi.al
