Protestuesi i arrestuar, Sokol Bushkolaj është liruar nga qelia. Bushkolaj u arrestua për hedhje molotovi gjatë protestës së fundit të opozitës para bashkisë së Tiranës. Mësohet se Gjykata caktoi masën e arrestit në shtëpi për Bushkolajn.
49-vjeçari, banues në Thumanë kur u arrestua akuzohej për veprat penale "Prishja e qetësisë publike", "Shkelja e rregullave mbi lëndët plasëse dhe djegëse", "Shkatërrimi i pronës me zjarr", "Goditjet për shkak të detyrës" dhe "Vrasja me dashje" mbetur në tentativë. Ndalimi i tij erdhi me datë 8 maji, një ditë pas protestës së 7 majit të opozitës para bashkisë.
