Flash

Plagosja e tre personave në Pejë, policia e Kosovës nxjerr foton e autorit në kërkim

Lapsi.al 23 May 2024
Plagosja e tre personave në Pejë, policia e Kosovës nxjerr foton

Policia e Kosovës ka publikuar foton e autorit të plagosjes së tre personave që ndodhi mbrëmjen e djeshme në Pejë.

Autoritetet kanë kërkuar ndihmën e qytetarëve për arrestimin e Agron Mentor Gashit, i cili akuzohet për vrasje në tentativë. Në njoftimin për media thuhet se i dyshuari është i njohur për kryerjen e veprave penale.

NJOFTIMI I POLICISË SË KOSOVËS:

Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të kërkuar më autorizimin e Prokurorisë themelore nё Pejё, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.

Personi i kërkuar është: Agron (Mentor) GASHI i lindur me 19.11.2002 nё Pejë. I pandehuri është i kërkuar për veprën penale ‘Vrasje e rёndё nё tentativё’ e cila ka ndodhur më datë 22.05.2024 rreth orës 21:25, nё rrugën Bekim Berisha, nё Pejё, i dyshuari ёshtё recidivist i veprave penale”, thuhet në njoftim.

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar të lajmërojë Policinë e Kosovës apo të lajmërohet në stacionin më të afërt policor.

Numrat e telefonit dhe adresat elektronike kontaktuese për të kontaktuar Policinë e Kosovës: – 192 dhe 080019999 (pa pagesë) – 039 432 327-Drejtoria Rajonale Pejë dhe E-mail adresa: [email protected].

Tre persona të së njëjtës familje kanë mbetur të plagosur me armë zjarri mbrëmjen e djeshme në Pejë të Kosovës. Autori i dyshuar i ngjarjes ndodhet ende në kërkim, teksa të plagosurit ndodhen në spitalin e Prishtinës. Raportohet se një prej të plagosurve është në gjendje të rëndë.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI