Suki Waterhouse ka zbuluar gjininë e foshnjës që solli në jetë me Robert Pattinson vetëm pak javë më parë. Teksa përformonte në Coachella, në 12 prill, këngëtarja zbuloi se ka sjellë në jetë një vajzë.
Në një video të publikuar, Waterhouse thotë: “Nuk e di nëse e keni marrë vesh, por së fundmi kam pasur një ndryshim të madh në jetën time. I dua gratë e mrekullueshme dhe jam me fat që tani kam zonjushën time të bukur, dashurinë e jetës sime”.
Pasi u shfaq lajmi për lindjen e foshnjës, Waterhouse tregoi trupin e saj pas lindjes në një seri selfie të tremujorit të katërt në Instagram në fillim të këtij muaji.
“Periudha pas lindjes ka qenë e mbushur me gëzim, emocionues, kaq shumë të qeshura, lot, shumë hormone!” shkruajti ajo. “Jam krenare për gjithçka që ka arritur trupi im dhe krenare për mirësinë dhe hirin që i kam dhënë vetes gjatë kësaj periudhe rikuperimi.”
Suki dhe i dashuri i saj 37-vjeçar, aktori i Twilight, janë së bashku që nga korriku i vitit 2018 dhe e kanë mbajtur marrëdhënien e tyre tepër private gjatë viteve. Në dhjetor, një burim konfirmoi për ET se ata ishin fejuar pasi People raportoi për herë të parë lajmin.
“Ata janë tepër të lumtur dhe të emocionuar për të ardhmen e tyre së bashku si çift dhe familje”, tha burimi.
