Princi William u rikthye në rrjetet sociale të mërkurën për herë të parë që kur gruaja e tij Kate Middleton zbuloi diagnozën e saj të kancerit.
Princi i Uellsit theu heshtjen e tij në rrjetet sociale për të ndarë një mesazh të ëmbël mbështetjeje për futbollisten britanike Rachel Daly, e cila njoftoi tërheqjen e saj nga sporti.
“Faleminderit për kaq shumë shfaqje të paharrueshme.Shumë gola të tjerë për Villa tani! W”, shkroi trashëgimtari i fronit në X .Krahas mesazhit të tij, William ri-postoi një seri fotosh të Daly duke njoftuar daljen e saj në pension.
Ky është postimi i parë në rrjetet sociale që ai bën që kur u publikua lajmi për shëndetin e gruas së tij.
Në një klip të pararegjistruar të shpërndarë më 22 mars, Princesha e Uellsit zbuloi problemet e saj shëndetësore në botë, duke thënë se mjekët zbuluan kancerin e saj gjatë një operacioni të planifikuar abdominal në janar.
Princesha Kate vuri në dukje gjatë njoftimit të saj muajin e kaluar se tani është në fazat e hershme të kryerjes së "një kimioterapie parandaluese"./Lapsi.al
