Përgjimet telefonike që u janë bërë drejtuesve të Juventusit gjatë hetimit të Prisma, për llogaritë e klubit, kanë një tjetër implikim kurioz. Në retrospektivë, dolën në pah disa prej negociatave të studiuara nga Juventusi në merkato. E gjitha falë telefonatave të përgjuara mes drejtorit sportiv Cherubini dhe Andrea Agnelli. Por edhe mesazheve të 2019-ës me Fabio Paratici. Shkëmbimet për të kryer, por edhe të rinj për t'u ndjekur si Haaland, në atë kohë te Salzburg. Sigurisht, bardhezinjtë nuk humbasin kurrë nga vëmendja lojtarët në skandecë, duke konfirmuar interesin për Donnarumma në atë kohë te Milan.
Shumë pak nga këto operacione u materializuan më pas. Por duke analizuar letrat mund të kuptohet strategjia e Juventusit në merkato, në periudhën trevjeçare në fjalë. Emrat e shquar nuk mungojnë.
I pari është pikërisht ai i Donnarumma. Emri i portierit figuron në një mesazh mes Fabio Paratici, Federico Cherubini dhe Claudio Chiellini: “Milik dhe Donnarumma do të ndiqen për vitin 2021 në skadencë”. Nëse portieri më pas përfundoi nga Milani te PSG, sulmuesi polak mbërriti në verën e vitit 2022 nga Marseille.
OPERACIONET QË NUK PËRFUNDUAN
Nëse nga përgjimet, të rinjtë për tu ndjekur citohen Haaland i Salzburgu, Malen i PSV, Zaniolo, Tonali, Kumbulla dhe Kulusevski, vetëm ky i fundit është marrë nga Juventus. Janë të tjera operacione merkato që dukej se ishin ngritur dhe më pas dështuar. Të gjithë fryt, ose pothuajse, i shkëmbimeve me vlerë të barabartë të kartonit.
Një shkëmbim me Tottenham do ta kishte çuar De Sciglio në Londër dhe Rose në Torino, me një vlerë prej 20 milionë eurosh për të dy lojtarët. Nga ana tjetër, shkëmbimi Emre Can-Leandro Paredes duhet të ishte bërë me PSG-në, të dy me vlerë 60 milionë euro. Argjentinasi më pas mbërriti këtë vit në skuadrën e Allegri.
Me Milan ishte pothuaj i vendosur transferimi i Demiral, në pritje të ofertës së menaxherit të mbrojtësit turk. Ndërsa me Manchester United, shkëmbimi i propozuar nga klubi anglez do të kishte sjellë Donny van de Beek te Juventus në këmbim të McKennie. Të dy lojtarët të vlerësuar në 50 milionë euro. Marrëveshja humbi për shkak të vullnetit bardhezi, për një lojtar të ndryshëm nga mesfushori sulmues holandez.
