Lajme të rëndësishme mbërrijnë në lidhje me të ardhmen koorporative të Interit. Sipas gazetarit Fabrizio Biasin "familja Zhang i ka dhënë një mandat Goldman Sachs për shitjen e Interit. Kërkesa është 1.2 miliardë euro. Kjo nuk do të thotë që blerësit do të mbërrijnë "nesër", por është e vërtetë që procesi ka nisur". Nga Inter në fakt nuk ka asnjë konfirmim për momentin, përkundrazi filtron synimi për të kërkuar partnerë dhe jo blerës.
Vlerësimi i përgjithshëm i klubit është i ngjashëm me atë të Milanit (1.2 miliardë), por duke marrë parasysh që borxhi financiar (400 milionë) është pjesë e vlerësimit, por nuk shkon në xhepin e shitësit dhe se Suning deri më tani ka investuar mbi 660 milionë në shoqëri, nuk përjashtohet që klubi të shitet me humbje.
Në maj 2021, Suning kërkoi një hua prej 275 milionë euro (në masën 12%) nga Oaktree për t'u shlyer deri në maj 2024. Përdorimi i aksioneve të Interit si peng për financim do të thotë që, në rast se Suning nuk respekton parametrat ose në rast të mos shlyerjes së të gjithë shumës së huasë (së bashku me interesin), Oaktree do të merrte shumicën e klubit zikaltër dhe do të bëhej pronar i tij. Një eventualitet që, siç u shfaq javët e fundit, nuk i intereson fondit amerikan, që nuk është i interesuar të përsërisë përvojën e Elliott te Milan. Një jo që hap vetëm një rrugë të mundshme për familjen Zhang: shitjen e klubit për të shlyer borxhet e kontratave.
