Incident të tjera në një stadium futbolli në Francë. Vigjilja e ndeshjes së Conference League ndërmjet Nice dhe Koln, është karakterizuar nga përplasja e dhunshme mes mbështetësve të dy skuadrave. Ultrasit ranë në kontakt në Allianz Riviera duke shkaktuar incidente të rënda. UEFA ndërhyri duke vonuar me një orë fillimin e ndeshjes në pritje të një vendimi zyrtar për shtyrjen e mundshme, gjë që nuk ndodhi. Takimi përfundoi 1-1, por një tifoz gjerman, i cili u rrëzua nga një lartësi prej 5 metrash në tribunë, ndodhet në gjendje shumë të rëndë.
Përplasjet e dhunshme të nisura mes dy tifozëve që gjatë ditës nëpër rrugët e qytetit, vazhduan me mbërritjen pranë stadiumit të Nicës. Policia franceze përdori gaz lotsjellës, por sipas mediave lokale ata pranuan se ishin vënë në vështirësi nga grupi i tifozëve gjermanë që ishin dyndyr në Cote d'Azur.
