Me rezultatin 1-1, rreth 20 minuta nga fundi, Chicharito u bë protagonist i një shfaqjeje groteske. Gjithçka ndodhi në zonën e penalltisë së Torontos, me meksikanin që pasi u rrëzua dhe më pas u ngrit, u rrethua nga tre kundërshtarë: ish-romanisti Bradley, kanadezi Laryea dhe kongolezi Mavinga. Të tre e shtyjnë shumë lehtë dhe ish-lojtari i Manchester United pati idenë e mirë që të bëjë një simulim të mjerueshëm, të bërtasë dhe të rrëzohet përtokë sikur e rrahën apo goditën keq, pavarësisht përpjekjeve të Bradley për ta mbajtur në këmbë.
Në mënyrë të habitshme, arbitri Ted Unkel vendosi të mos e ndëshkonte Chichariton për inskenimin e shëmtuar, por tifozët në rrjetet sociale nuk u treguan aspak të butë. Në fakt, ndaj sulmuesit ka pasur shumë komente qortuese. Një përdorues e përcaktoi episodin si "Pika më e ulët e ndeshjes"; një tjetër vazhdoi: “Ai duket si një nga personazhet e The Walking Dead”; “I paturpshëm”, u cilësua nga një tjetër tifoz i shtangur; ndërsa një tjetër gjykoi: "Ndoshta ata i shtrydhën një thithkë".
My demons surrounding me at night when I’m trying to go to sleep pic.twitter.com/Cp4k3McQkt
— My Neighbor JoeToro (@mojoejoejoemtz) September 1, 2022
