Sezoni i futbollit në Evropë filloi rreth një muaj më parë, por në Amerikën e Jugut tashmë ka arritur pothuajse në gjysmë të rrugës. Në Argjentinë, pas 15 javësh në Primera Divisiòn, Atlètico Tucuman është në krye të renditjes, me 3 pikë avantazh ndaj Gimnasia La Platas. E në fitoren 4-0 të së martës kundër Barracas Central kishte vend edhe për një gol të pabesueshëm prej 70 metrash, i katërti dhe i fundit i mbrëmjes, i shënuar nga Mateo Coronel në fundin e lojës. Një gol që kandidohet seriozisht për çmimin Puskas...
Mateo Coronel është 23 vjeç, luan si playmaker, i huazuar te Atlètico Tucuman nga Argentinos Jrs. Tashmë ai ka hyrë fuqishëm në garën për çmimin e lakmuar Puskas, çmim që i jepet golit më të mirë të vitit. Në fakt, në ndeshjen mes skuadrës së tij dhe Barracas Central, mesfushori sulmues shënoi një gol të jashtëzakonshëm nga rreth 70 metra, duke e kaluar në ekstazë publikun. Ishin minutat shtesë të ndeshjes, kur pas një goditjeje këndi për miqtë, topi mbërriti në këmbët e 24 vjecarit, që ndaloi topin dhe pa u menduar dy herë goditi duke e cuar topin në rrjetën e portierit kundërshtar që kishte dalë nga zona.
Me portierin e Barracas fajtor që kishte lënë portën, përpjekja e guximshme e Coronel u kthye në një gol të bujshëm, me topin që kërceu një metër nga vija e portës përpara se të rrëshqiste praktikisht nën kryqëzimin e shtyllave. Një gol, video e të cilit bëri me shpejtësi xhiron e rrjeteve sociale, duke u bërë virale sa hap e mbyll sytë. Qindra tifozë nga e gjithë bota e kanë nominuar atë për çmimin Puskas, duke kërkuar që ajo silurë nga 70 metra të merret në konsideratë për çmimin.
