Socialistët votojnë kundër njohjes së genocidit serb në Sebrenicë
Interesant është të shihet deklarata e presidentit Vuçiç pas ketyre dy rezolutave që gjendet ende edhe në faqen e Radios Evropa e Lirë: “Rezoluta të tilla do të vazhdojnë. Ne mund t'i shmangim ato në disa parlamente, falë marrëdhënieve miqësore, por disa do të vazhdojnë me abuzimin politik ndaj serbëve”, u tha Vuçiç gazetarëve gjatë një vizite në një spital të Beogradit korrikun e shkuar. (video më poshtë) Nuk kaloi më pak sesa një vit dhe vullnetin e Vuçiçit e dëshmuan deputetët socialistë që rrëzuan këtë të enjte, me shumicë, draft- rezolutën që edhe Shqipëria ta dënonte këtë genocid. Ndoshta ky mund të qe edhe një përkim i rastësishëm sikur sinkronizimi i veprimeve mes kryeministrit shqiptar dhe presidentit serb të përfundonte këtu. Por jo, rastësitë janë bërë pak si tepër për të vazhduar të konsiderohen si të tilla. Edi Rama ka kritikuar mbarë klasën politike të Kosovës (Albin Kurtin, Hashim Thaçin, Ramush Haradinajn dhe Isa Mustafën) duke qëndruar në krah të Vuçiçit. Faktet/ Rama mori urdhër nga Vuçiçi: Sulmo liderët e Kosovës Ai ka shkuar edhe më tej duke u bërë i vetmi lider i rajonit që për mos përparimin e dialogut mes Prishtinës dhe Beogradit ka fajësuar palën shqiptare duke e akuzuar se ajo e përdor atë për qëllime të politikës së brendëshme. Analiza fjalë për fjalë/ Rama renditet hapur pro Vuçiçit dhe kundër Kosovës Ai e minimizoi vendimin e mikut të tij politik për të mos i vënë sanksione Rusisë pas agresionit në Ukrainë, duke i mëshuar faktit se Serbia votoi në OKB kundër ndërhyrjes ushtarake. Qëndrimi ndaj Rusisë/ Vuçiç e ka vënë Ramën në hall Deklarata bombë e Vuçiç/ Edi Rama e mbrojti Serbinë në samitin e NATO-s Edhe tani kryeministri shqiptar u rrek ta justifikojë aleancën e tij me Vuçiçin me lojra fjalësh si "lojë e ulët" e "katranit me bojë", "që kapet deri edhe pas kockave të viktimave të kasapit të Beogradit, për t'u ringjallur nga varri i tij politik". Në fakt ky votim i shumicës socialiste në parlament, nuk e bën Shqipërinë vetëm pjesë të botës serbe, por ai krijon një hendek të thellë ndarës edhe me Kosovën, që ka mbajtur një qëndrim krejt tjetër. Lapsi.al ka raportuar se në korrikun e shkuar deputetët e Kuvendit të Kosovës miratuan rezolutën për dënimin e gjenocidit në Sebrenicë në Bosnje e Hercegovinë. Ajo u iniciua nga koalicioni boshnjak në Kuvendin e Kosovës, Vakat, por edhe aty, sipas urdhërit të Vuçiçit, deputetët e Listës Serbe në pamundësi për ta ndalur votimin, bojkotuan seancën. Andi Bushati: Loja e rrezikshme e Berishës me “genocidin serb” Kryeministri i Kosovës, Albin Kurti atëhere tha se miratimi i rezolutës për Sebrenicën është një “veprim fisnik dhe i duhur”. “Ata që nuk e pranojnë fajin e nuk kërkojnë falje, thellë në zemër besojnë se kanë pasur të drejtë”, tha Kurti. Ndërsa Edi Rama është mjaftuar vetëm me sharjet ndaj Berishës, por nuk është angazhuar as vetë për një nismë të tillë duke lënë në fuqi frazën e Vuçiçit: "Do t'i pengojmë rezoluta të ngjashme në parlamentet mike". ©Lapsi.al
