Është viti i tij më i mirë ndonjëherë, sido që të shkojë. Lautaro Martinez ka barazuar tashmë rekordin e tij të golave në një sezon, 21, ashtu si argjentinasi kishte bërë në vitin e parë të Contes, duke shënuar në të gjitha garat. E tani me tre ndeshje të tjera të kampionatit dhe finalen e Kupës së Italisë në dispozicion, Toro mund të provojë të kapërcejë veten dhe të bëjë edhe më mirë akoma. Zhang, Marotta dhe Ausilio e dinë mirë vlerën e tij dhe për këtë arsye e bënë atë të rinovojë si një lojtar i nivelit të lartë deri në vitin 2026, për 6 milionë plus bonuse në sezon, një besim që argjentinasi përpiqet ta shpërblejë në çdo ndeshje.
Zërat e vazhdueshëm për një shitje të mundshme të tij natyrisht që e shqetësojnë, por nuk ka dyshim se në Angli, ashtu si në Spanjë, shumë klube e kanë vënë atë në shënjestër. Interi nuk do të dëshironte ta shiste lojtarin, por si për Lukakun ata mund ta mendojnë këtë situatë në rast të një oferte të parefuzueshme.
Për t'u bërë një lojtar absolut, me Interin dhe Argjentinën, përveç vazhdimësisë më të madhe gjatë gjithë sezonit, Lautaro duhet të përpiqet të përmirësohet edhe nga pika e bardhë. Ai ka humbur tashmë tre penallti në këtë kampionat, për fatin e tij vetëm një vendimtar, në derbin e ndeshjes së parë kundër Milanit. Një gabim që mund t'i kushtojë Interit titullin kampion.
