“Reds janë favoritët, por nuk do të jetë një garë me një rezultat të paracaktuar”. Premtim i Unaj Emery. Trajneri i Villarreal nuk ka ndërmend të bëjë viktimën sakrifikuese në ndeshjen e Anfield kundër Liverpool: “Çdo skuadër që është në gjysmëfinale të Ligës së Kampionëve është aty sepse e meriton të jetë – thotë trajneri spanjoll në konferencë për shtyp – Liverpooli e di që ne kemi një prezencë europiane të madhe, që ne mundëm të eliminonim dy skuadra të mëdha si Juventus dhe Bayern Mynih. Tani efekti i befasisë është zhdukur, kundër Liverpool do të jetë edhe më e vështirë".
Trajneri i skuadrës spanjolle vlerësoi kundërshtarin, por pa shenja frike: "Reds e dinë se nuk do të jetë e lehtë të përballen me ne, padyshim që do të ndihen si favoritë, por do të kenë respekt për ne. Ky është Liverpooli më i mirë që kam parë ndonjëherë. Unë e shoh si një motivim plus, të provojmë të mposhtim Liverpoolin më të mirë të të gjithë kohëve".
Trajneri i Villarreal shtoi më pas duke paralajmëruar: "Ne duhet të përqendrohemi në çdo aspekt të ndeshjes. Luajmë kundër favoritëve për të fituar kompeticionin, por duam të jemi protagonistë. Nuk do të jetë një rezultat i paracaktuar, kundërshtarët tanë mund të jenë superiorë ndaj nesh, por ne kemi identitetin tonë të njohur të lojës dhe armët tona për të qenë në gjendje të konkurrojmë. E përjetoj këtë gjysmëfinale shumë natyrshëm".
