Flash

Shqipëria po humbet konsumatorë, por shton biznese; 59 ndërmarrje për 1.000 banorë

Shqipëria po shton bizneset, por po humbet banorët që duhet të blejnë produktet dhe shërbimet e tyre. Ndërsa numri i ndërmarrjeve aktive vijon të rritet, popullsia po tkurret, duke krijuar një kontrast mes zgjerimit të sipërmarrjes dhe bazës së konsumatorëve vendas. Sipas INSTAT, në fund të vitit 2025 në Shqipëri numëroheshin 137.892 ndërmarrje ekonomike aktive, […]

20:40

Arbitri i preferuar i UEFA-s goditet nga infarkti: në dyshim prezenca e tij në Botërorin e Katarit

Lapsi.al 28 March 2022
Arbitri i preferuar i UEFA-s goditet nga infarkti: në dyshim prezenca e tij

Ka nga ata që nuk do të shkojnë në kampionatin botëror sepse nuk arritën të kualifikoheshin, por duke qenë se futbolli është një sport kontakti, ka edhe nga ata që pavarësisht se kanë marrë biletën për në Katar dhe janë titullar në skuadrën e tyre, do ta shohin kompeticionin nga divani. Dëmtimet janë të zakonshme dhe shpesh ndodh që edhe një lojtar i nivelit të lartë të detyrohet të humbasë një kompeticion ndërkombëtar sepse nuk do të mund të luante. Dhe, sado e çuditshme të duket, kjo rrezikon t'u ndodhë edhe arbitrave, veçanërisht nëse shfaqet një problem i madh shëndetësor.

Ky mund të jetë rasti i arbitrit rumun Ovidiu Hategan, një prej arbitrave më të vlerësuar nga UEFA. Siç sqaron AS, ai ka pësuar një infarkt dhe u transportua në spitalin e Timisoara, ku u operua menjëherë. Arbitri përjetoi dhimbje të forta gjoksi pak pasi mbaroi aktivitetin e tij të përditshëm fizik. Por, duke qenë se kur nuk mban bilbilin bën mjekun, ai e kuptoi menjëherë se çfarë po i ndodhte dhe shkoi në spital, për të marrë konfirmimin nga kolegët e tij se kishte një infarkt dhe se kishte nevojë për një operacion. E gjithë kjo pak ditë pasi kishte kryer detyrat e tij si gjyqtar i katërt në ndeshjen e play-off-it botëror ndërmjet Austrisë dhe Uellsit.

Për fat të mirë kushtet e Hategan, siç shpjegohet nga një njoftim për shtyp nga federata rumune, janë të mira. Megjithatë, ajo që nuk shpjegon njoftimi për shtyp është nëse ky sulm në zemër do të ketë pasoja në karrierën e Hategan, i cili është një nga emrat që UEFA ka paralajmëruar paraprakisht për finalet e Kupës së Botës në nëntor. Federata nuk ka dashur të japë indikacione për mundësinë që arbitri të rikthehet dhe as për kohën e duhur për ta parë në fushë. Një goditje e keqe për një arbitër që në moshën 41-vjeçare teorikisht do të kishte një tjetër cikël të plotë botëror përpara moshës 45-vjeçare të tërheqjes nga arbitrimi…

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

10°c

KËMBIMI EURO

89.78

aktuale

Ndiqe Lapsin edhe në

Me interes nga publiku

Me sytë katër

PAPARAZZI