Basha i përgjigjet Komisionit të Rithemelimit: Berisha po përgatitet që të sulmojë selinë e PD-së
E menjëherëshme qe edhe përgjigjja: “Kasafortizimi dhe bunkerizimi nuk janë metoda të Partisë Demokratike, por të celulave ilegale që të vetmin merak kanë karriket dhe zyrat e tyre. Punimet dhe mirëmbajtja në seli këtë fillimviti bëhen në funksion të riorganizimit dhe rifreskimit të strukturave qendrore të partisë. Pra, duket qartë se tashmë asnjëra nga palët nuk arsyeton të bëjë ndonjë hap pas.Komisioni i Rithemelimit: Basha flet për Berishën me gjuhën e Ramës, e kupton që fundi është afër
Në këtë atmosferë duket naiv edhe një propozim racional i ish nënkryetarit të PD, Edi Paloka i cili në një letër të hapur dërguar Bashës i kërkonte atij rikthimin tek mekanizmi i votës si e vetmja rrugë demokratike për të zgjidhur krizën dhe për të mos përçarë PD-në. Në letrën e tij Paloka i bënte thirrje për tu rivotuar për kryetar partie këtë herë me një garë dhe konkurencë reale: “Ky eshte nje mendim teresisht personal dhe nuk ka asnje lidhje me pozicionin qe une kam sot si njeri prej 29 antareve te Komisionit te Rithemelimit te PD. E kam thene qe ne fillim te “konfliktit” se vetem VOTA e demokrateve e zgjidh problemin. Ne keto kushte, mbetet dhe nje hapsire e fundit ; zgjedhjet ne PD per te gjitha strukturat , perfshi dhe kryetarin e PD. Kuvendi i 11 dhjetorit ka caktuar nje periudhe dhe 22 marsin si diten e zgjedhjeve si dhe ka ngarkuar Komisionin e Rithemelimit per organizimin e tyre . Une mendoj qe per interesa madhore te PD cdo gje mund te negociohet per te zhvilluar nje proces te paster e me besimin e te gjitheve. Demokratet te vendosin me voten e tyre sepse vetem keshtu qendrojme te bashkuar dhe gjithe energjite tona i perqendrojme ne luften kunder Rames. Behu pjese e ketij procesi” shkruante ai.Një propozim që mund ta shpëtojë Bashën
Por gjithkush e kupton se gjërat kanë shkuar larg për të imagjinuar zgjidhje racionale. Mbështetësit e Bashës e konfirmuan këtë duke bërë lëvizjen e ndyshimit të dyerve dhe dritareve dhe duke blinduar katin e parë të godinës së PD. Në këtë kontekst ata si lanë kundërshtarëve të tyre, veçse dy rrugë: ose të zbrapsen dhe të njohin sundimin e pakicës ose ta rimarin me forcë selinë e saj. ©Lapsi.al
