Goditje e Romës në Bergamo: përfundon 4-1 për verdhekuqtë, që kaluan në avantazh pas më pak se një minute lojë me Abraham, e pastaj dyfishuan me Zaniolon. Para përfundimit të pjesës së parë autogoli i Cristantes në goditjen e Muriel i dha shpresë bergamaskëve, por në pjesën e dytë, Roma sërish shënoi dy gola, me Smalling dhe Abraham. Ndeshje e përgatitur në mënyrë perfekte nga José Mourinho, ndërsa Atalanta, që luajti nën mundësitë e saj, hodhi poshtë mundësinë e një nate në vend të dytë.
Ndodh më shumë në një çerek ore lojë në disa ndeshje të caktuara sesa në nëntëdhjetë minuta të ndeshjeve të tjera. Ndodh ndonjëherë që një trajner (Mourinho) të pikasë formacionin fillestar të duhur dhe lojtarët e tij të kuptojnë në mënyrë të përsosur se çfarë kërkohet prej tyre. Në më pak se një minutë dhe Roma kaloi përpara, me një veprim të nivelit të lartë të Zaniolos për Abraham që bëri një progresion monumental, me një prekje të fundit pas përplasjes me Hateboer. U luajt menjëherë një betejë e vërtetë, përplasje të forta në të gjitha zonat e fushës, nerva të tensionuara dhe dy kartonë të verdhë (De Roon dhe Zaniolo) që në dhjetë minutat e para, periudhë në të cilën Atalanta shfaqi disa probleme ndërsa Roma e interpretoi lojën si normalisht duhet ta kishte bërë kundërshtari i saj. Vrull, i madh dhe kundërsulme, të rrezikshme, pjesa tjetër janë golat e Zaniolos, Smalling e Abraham, ndërsa edhe golin e vetëm të zikaltërve e shënuan vetë romanët me autogolin e Cristantes.
E duke parë si erdhën gjërat në ndeshje, ndoshta do të kishte qenë më mirë nëse do të ishte vendosur për ta shtyrë ndeshjen, pas tërmetit të fortë me epiqendër në provincën e Bergamos, të ndjerë mëngjesin e sotëm. e për të cilin u bënë verifikimet e gjendjes, përpara se delegati i Serie A dhe drejtuesit e sigurisë të vendosnin për të vazhduar. Tërmeti me magnitudë 4.4 ballë u ndje në zonën e Bergamos dhe gjithashtu në Milano, rreth orës 11:35. Në zona të ndryshme të kryeqytetit Lombard, ndërtesat u tronditën intensivisht, me njerëzit që dolën nëpër rrugë.
