Ndricon vetëm drita e Arsenal në të shtunën e Premier League, e shënjuar nga pezullimi i disa ndeshjeve për shkak të koronavirusit. Gunners dominuan ndeshjen e vetme të luajtur në kampionatin anglez me një 4-1 ndaj Leeds, duke bërë diferencën që në pjesën e parë me një dygolësh të Martinellit dhe një gol të Saka. Të besuarit e Bielsas ngushtuan diferencën në minutën e 75 me penalltinë e Raphinhas, para se zëvendësuesi Smith Rowe të nënshkruante pokerin në fund të ndeshjes për londinezët, që tani janë të katërtët në renditje.
Feston vetëm Arsenal në një të shtunë në Premier League të shënuar me shtyrje për shkak të koronavirusit, që eleminoi ndeshjen e drekës Manchester United-Brighton dhe katër ndeshjet e pasdites. Kështu, zbritën në fushë vetëm Leeds dhe Gunners, që fituan jashtë me një 4-1 të padiskutueshëm. Fillim rrufe i skuadrës së Artetës, të cilët në pesë minutat e para angazhuan tre herë një Meslier të vëmendshëm. Arsenal shtyu përpara dhe përfitoi nga gabimet e shumta në ekipin kundërshtar. Në minutën e 16 Lacazette i rrëmbeu topin Forshaë në hyrje të zonës dhe i shërbeu Martinellit, i cili shënoi golin e 1-0. Braziliani, në formë të shkëlqyer këtë javë, shënoi për herë të dytë në minutën e 28, duke shfrytëzuar pasimin filtrues të Xhakës. Në minutën e 42' Saka fiksoi trisin, duke mposhtu Meslier falë edhe një devijimi nga Klich.
Një çerek ore nga fundi erdhi kërcimi që mund të ndryshonte lojën: Gelhardt pengohet në zonë nga White, duke shkaktuar penallti. Raphinha nuk gaboi nga pika e bardhë dhe shkurtoi në 1-3 rezultatin. Vendasit u përpoqën të dukeshin nga anët e Ramsdale, por të gjitha shpresat u shuan nga goli i zëvendësuesit Smith Rowe në asistin e Odegaard. Përfundoi 4-1 dhe Arsenal feston suksesin e tretë radhazi në Premier League, i cili konsolidon (të paktën për momentin) vendin e katërt me 32 pikë. Pas 7 golave të pësuar nga City të martën, Leeds vazhdon të vuajë dhe rrezikon të përfshihet nga lufta për të mos u rrëzuar.
