Një ndeshje si në ëndërra, mund të konsiderohet ajo e Elbasan Rashanit në transfertën e Lyon, në Ligue 1. Dy gola në 20 minutat e fundit nga sulmuesi i Kosovës, që u hodh në fushë nga tekniku i Clermont Foot vetëm në minutën e 69, kur Lyon udhëhiqte i sigurtë 3-1.
Ndoshta as vetë tekniku nuk mendonte se gjërat do të përmbyseshin kështu kur i dha shenjën 28 vjecarit për tu futur në fushë. Në fund të fundit një skuadër modeste si Clermont Foot vështirë se kishte si synim ti rikuperonte në transfertë dy gola një skuadre elitare si Lyon. Por ndalesa nuk ishte në mendjen e Rashanit: pas 11 minutash në fushë, ai ngushtoi diferencën në 3-2, ndërsa në minutën e fundit të ndeshjes realizoi edhe golin e barazimit duke i dhënë një tjetër pikë skuadrës së tij, provizorisht në vendin e tretë me 7 pikë, pas 34 javëve të para.
https://www.youtube.com/watch?v=Ko8Xqe4q3xc
