U dëshpërua kur pa se topi i goditur nga pika e penalltisë përfundoi jashtë. Lopez shkoi të tërhiqej në pozicionin e tij, pa e kuptuar se në fakt kishte shënuar për skuadrën e tij. Në futboll ndodhin shpesh episode kurioze, por një penallti e tillë ku askush nuk e kuptoi se u shënua gol, nuk kishte rastisur kurrë.
Penalltia, që me shumë mundësi do të përfundojë në histori u shënua në kampionatin meksikan, në ndeshjen midis Mazatlan dhe Tigres. Në minutën e 81, Lopez goditi në të majtë të portierit, por topi u përplas në shtyllë, duke goditur kokën e portierit dhe përfundoi jashtë portë.
Edhe vetë Lopez mendoi se gaboi, por gjithçka u qartësua nga replay: topi ka hyrë në rrjetë dhe ka goditur shtyllën e pasme, por forca e goditjes krijoi iluzionin optik, që u bë menjëherë virale në rrjetet sociale.
