Kur bëhet fjalë për "të këqijtë" e futbollit, është e vështirë të mos përmendësh emrin e Roy Keane. Irlandezi, legjenda e Manchester United, është shquar për një karakter të keq. Mjafton të thuash se karriera e babait të Haaland, Alf Inge, përfundoi pasi mesfushori i Djajve të Kuq i theu (vullnetarisht) gjurin në një derbi të Mançesterit. Pra, më mirë të mos e mërzisësh irlandezin. Tani për tani, një nga mënyrat më të mira për ta zemëruar është të kërkosh nga ai një foto, por kur numri 16 ishte në fushë ai nuk mund të duronte një gjë në veçanti: mosrespektimin, veçanërisht nëse vinte nga lojtarë shumë të rinj. Dhe në këtë drejtim, vjen një histori shumë interesante.
E tregon një që Keane e njeh shumë mirë, domethënë Rio Ferdinand. Duke folur në podcast-in e tij VIBE ëith FIVE, ish-mbrojtësi i United dhe Anglisë kujtoi një përplasje në stërvitje që përmbledh në mënyrë të përsosur mënyrën e të menduarit të irlandezit. "Njëherë goditi me grusht Chris Eagles në fytyrë. Chris ishte fëmijë dhe i dha vetes shumë liri me Keane. Roy kthehej nga dëmtimi, ose nuk kishte luajtur, kështu që po luante një ndeshje me rezervat. Kishte shumë të rinj në fushë dhe lojtarë si Eagles dhe Lee Martin vraponin si minj, duke u përpjekur t'i afroheshin dhe ta luftonin". Në fund të fundit, nuk të bie çdo ditë të përballesh me një nga mesfushorët më të fortë në botë.
Sa keq që Keane nuk i pëlqen të durojë fëmijë të parespektueshëm. "Chris iu fut në kohë vonesë disa herë dhe Roy i tha 'më dëgjo, merre më qetësi'. Eagles thjesht donte t'i bënte një përshtypje të mirë dhe kur erdhi topi, e goditi përsëri dhe e tërhoqi nga fanella. Roy vetëm u kthye dhe e goditi, një grusht i shpejtë në nofull. Isha atje duke e parë dhe i thashë 'Roy, cfarë problemi ke?'. Pastaj kur u kthyem i thashë 'pse e bëre, është thjesht fëmijë?' dhe i thashë që të mos e bënte kurrë më". Vështirë të imagjinohet që Keane po e dëgjonte, por sigurisht, Eagles nuk bëri më karrierë me United, duke luajtur vetëm 17 ndeshje me klubin. Dhe zemërimi i irlandezit i dha ... vetëm një grusht në fytyrë.
