Kryetari i Partisë Demokratike të Kosovës, Memli Krasniqi ka treguar se edhe kursimet e fëmijëve të tij i ka investuar në kriptovaluta. Krasniqi është shprehur se këtë nuk ia rekomandon askujt , por shtoi se investimin e ka nisur në vitin 2016 dhe është penduar që nuk ka investuar më herët.
“Ka kriptovaluta që ka rritje kur tjerat kanë rënie, ose e kundërta. Po, unë kam besim që kjo është e ardhmja. Unë nuk i rekomandoj askujt asgjë, krejt çka po flas për kripto nuk është rekomandim financiar, nuk është këshillë financiare.
Nuk i rekomandoj askujt me investu më shumë sesa, aq sa mund t’i humbë krejt edhe që mundet me jetu pa to. Nuk i rekomandoj askujt me bo, cka kam bo unë.
Unë kam pas sukses por kam mundur edhe të dështoj shumë. Qaq besoj në këtë punë sa edhe kursimet e fëmijëve të mi, para dy vitesh i kamë kthyer në kriptovaluta” - tha Krasniqi.
Në deklarimin vjetor në Agjencinë Kundër Korrupsionit (AKK) ai ka në zotërim kriptovalutë në vlerë mbi 300 mijë euro. Ai ka deklaruar investime në 35 kriptovaluta të ndryshme.
