Austria kualifikohet duke mundur Ukrainën në ndeshjen direkte, në xhiron e tretë të Grupit C dhe do të jetë kundërshtari i Italisë në raundin e 1/8 të Euro 2020, një ndeshje e planifikuar për të shtunën në 26 qershor në Wembley në orën 21. Në Bukuresht, Alaba dhe shokët e tij të skuadrës mposhtën Ukrainën 1-0, duke përfunduar në vendin e dytë në grupin C pas Hollandës. Fitore e merituar për austriakët, e përqendruar në sajë të një devijimi në minutën e 21 nga Baumgartner, që i mori kohën Zabarnyi. Ukrainasit nuk ishin në ditën e tyre dhe Arnautovic shkoi pranë dyfishimit në më shumë se një rast.
Për herë të parë prej 39 vjetësh Austria ka kaluar përtej fazës së grupeve në një turne ndërkombëtar (Europian e Botëror). Herën e fundit që ia kishte dalë ishte Botërori 1982. Kështu, nëse austriakëve i mjaftoi goli i Baumgartner, lindur nga një goditje këndi i Alaba, ishte shumë zhgënjyese skuadra e Shevchenkos, që krijoi shumë pak, ndërsa Austria pati më shumë mundësi për të dyfishuar. Christoph Baumgartner (21 vjec e 324 ditë) është lojtari më i ri austriak që shënon një gol në një Europian.
Me fitoren e sotme, Austria ka ndërprerë serinë që e kishte parë të humbiste ndeshjen e fundit të grupit në të tre pjesëmarrjet e fundit në një turne madhor ndërkombëtar: kundër Italisë në Botërorin 1998, kundër Gjermanisë në Euro 2008, kundër Islandës në Euro 2016. Tani austriakët kërkojnë të vazhdojnë të mahnisin, duke sfiduar Italinë e rekordeve në Wembley.
