Ai ishte pika e referimit për Interin e Antonio Contes dhe Simone Inzaghi gjithashtu shpreson që të jetë pika e referimit edhe për Interin e tij. Romelu Lukaku është lojtari themelor për zikaltrit dhe vitet e fundit ai ka marrë mbi supe peshën e një rilindje që kulmoi me fitoren e titullit kampion numër 19.
Pasi i tha lamtumirë teknikut Conte, klubi zikaltër është gati të kthejë faqen. Rinisja do të nënshkruhet nga Simone Inzaghi, i freskët nga divorci me Lazion. Vetë trajneri ka dashur ti sqarojë menjëherë gjërat në lidhje me gjigantin belg, për ti garantuar se sa beson në kontributin e tij për sezonin e ardhshëm.
Lukaku nuk mund të lihet të ikë dhe Inzaghi është i vetëdijshëm për këtë. Edhe sepse me Lautaro Martinez ka një mirëkuptim të jashtëzakonshëm. Sidoqoftë, telashet vijnë nga Premier League, me Chelsea, që sapo ka fituar Champions League, që është i gatshëm ta rikthejë në Londër. Sipas prestigjiozes The Guardian, në takimin mes trajnerit Tuchel dhe manjatit rus Abramovic, do të diskutohet për sulmuesin zikaltër.
Në shtëpinë e Blues e dinë, megjithatë, që Interi nuk dëshiron ta shesë belgun dhe se oferta për Romelun nuk fillon me më pak se 100 milionë euro. Një shifër monstruoze, por që nuk e pengon Chelsea që ta kthejë tratativën, në telenovelën kryesore të verës në merkaton evropiane të transferimeve.
