Java e fundit e Bundesligës përfundon me fitoret e Bayern dhe Dortmund, të cilat respektivisht mposhtin Ausgburg (5-2, Lewandowski shënon dhe kapërcen rekordin e Müller) dhe Leverkusen (3-1). Union Berlin shkon në Conference League, duke mposhtur Leipzig 2-1. Rrëzohet direkt Werder Bremen, i shkatërruar 4-2 nga Borussia Mönchengladbach: Koln shkon në playout falë 1-0 ndaj Schalke. Wolfsburg humbet me Mainz, Hoffenheim, Eintracht dhe Hertha fitojnë.
BAYERN-AUGSBURG 5-2
Java e fundit e Bundesligës në ndjekje të rekordit, atij të Lewadowski, dhe lamtumirës, me Flick, Boateng, Martinez dhe Alaba që kanë luajtur për herë të fundit me Bayern. E kampionët e Gjermanisë vendosin të festojnë me një fitore 5-2 kundër Ausburg: sfida e Allianz Arena u zhbllokua në minutën e 9, kur pas një manovre të gjatë Gnabry krosoi në qendër, me Gouweleeuw që në përpjekje të parandalojë Coman e dërgoi topin në rrjetën e tij. Në të 23’, vjen dyfishimi falë goditje me kokë të Gnabry, i cili mundi Gikiewicz pas dy pritjeve dhe një shtylle në të njëjtin aksion, ndërsa dy minuta më vonë Neuer i pret një penallti Caligiuri. 3-0 erdhi në minutën e 33, me të djathtën e Kimmich nga distanca, ndërsa në minutën e 43 Coman nënshkroi pokerin me një goditje të fuqishme po nga distanca. Në pjesën e dytë, Augsburg shkurtoi distancën me goditjen me kokë të Hahn (67 ') dhe Niederlechner (72'). E pikërisht në minutën e 90, erdhi goli i shumëpritur nga Bayern: Robert Lewandowski shënoi golin e tij të 41në kampionat, gjë që e bëri atë të kalonte Gerd Müller: polaku tani është shënuesi më i mirë në një sezon të vetëm të Bundesligës, të cilën Bayern e rrëmbeu me 78 pikë dhe 99 gola.
DORTMUND-LEVERKUSEN 3-1
Dortmund mbyll kampionatin në vendin e tretë falë disfatës së Wolfsburgut dhe mbi të gjitha 3-1 ndaj Leverkusen. Në Signal Iduna Park, verdhezinjtë u vonuan vetëm 5 minuta për të thyer bllokimin: Aspirinat gabuan në dalje, të besuarit e Terzic rikuperuan topin dhe me Reinier shërbyen për Haaland, që me një diagonale mposhti Hradecky. Miqtë përgjigjen me të djathtën e Paulinhos në zonë, e bllokuar nga një ndërhyrje e shkëlqyer nga Burki. Në fillim të pjesës së dytë, Reus gjeti dyfishimin me goditje standarte, me një krosim që mashtroi portierin e Leverkusen. Loja përfundon zyrtarisht në minutën e 84, me Haaland që nënshkroi dygolëshin e tij duke përfituar nga gabimi i mbrojtës së aspirinëve. Para rikuperimit, formacioni i Wolf shkurtoi hendekun me penalltinë e Lars Bender të shkaktuar nga faulli i Emre Can ndaj Schick. Përfundoi 3-1: Dortmund ngjitet në 64 pikë dhe përshëndet Piszczek, në ndeshjen e fundit me verdhezinjtë. Leverkusen, tashmë i sigurt për vendin e gjashtë, mbetet në kuotën e 52 pikëve.
NDESHJET E TJERA
Union Berlin mposht 2-1 me përmbysje Leipzig dhe arrin kualifikimin e parë historik në kupat e Europës. Nagelsmann, ndërkohë, përshëndetet me një humbje pa influencë: Leipzig e mbyll në vendin e dytë me 65 pikë. Wolfsburg renditet në vendin e katërt pas humbjes 3-2 në shtëpi me Mainz: Philipp (47 ') dhe Joao Victor (66') nuk arrijnë të shmangin humbjen ndaj Ujqve, të cilët bien nën goditjet e Boetius (44 '), Quaison (54 ') dhe Bell (77'). Borussia Mönchengladbach fiton 4-2 por nuk arrin të kualifikohet në Conference League duke pasur parasysh suksesin e Union Berlin: golat e Stindl (3'), Thuram (52'), Bensebaini (58 ') dhe Neuhaus (67') dënojnë megjithatë Werder Bremen, që shënoi me Rashicën dhe Fullkrug, por zbriti në Zweite Liga për shkak të Bornauw, i cili shënoi në minutën e 86 dhe i dha fitoren 1-0 Këlnit, në playout, falë suksesit ndaj Schalkes. Shpëton ndërkohë Arminia Bielefeld: 2-0 në Stuttgart me penallti në minutën e 66 nga Klos dhe goli në minutën e 72 nga Doan. Eintracht dhe Hoffenheim gjithashtu e mbyllën me një fitore: në Frankfurt, golat e André Silva (penallti në 62 '), Toure dhe Ache janë me vlerën e 3-1 ndaj Freiburg, që shënoi me Woo-Yeoung, ndërsa në Sinsheim Adamyan dhe Kramaric shembën 2 -1 Hertha, që kaloi në avantazh me Darida (43 '), por e mbylli Bundesligën me një humbje në ditën e tërheqjes nga futbolli të Sami Khediras.
VERDIKTET
Kampion: Bayern Mynih
Në Champions League: Leipzig, Dortmund e Wolfsburg
Në Europa League: Eintracht Frankfurte e Leverkusen
Në Conference League: Union Berlin (Playoff)
Në playout: Koln
Rrëzohen: Werder Brema e Schalke
GERMANY - BUNDESLIGA
Borussia Dortmund 3 - 1 Bayer Leverkusen
Eintracht Frankfurt 3 - 1 Freiburg
FC Koln 1 - 0 Schalke 04
Hoffenheim 2 - 1 Hertha Berlin
Union Berlin 2 - 1 RB Leipzig
VfB Stuttgart 0 - 2 Arminia Bielefeld
Werder Bremen 2 - 4 Borussia Moenchengladbach
Wolfsburg 2 - 3 Mainz
Bayern Munich 5 - 2 Augsburg
