Lamtumira ishte pothuajse gati, por zyrtarizimit e ka dhënë personalizht. Gianluigi Buffon do të largohet nga Juventus në fund të sezonit: "E ardhmja ime është e qartë. Kjo përvojë e bukur dhe shumë e gjatë me Juven do të përfundojë përfundimisht këtë vit. Sa i përket të ardhmes, kam ende dilema. Nëse gjej një klub tjetër që më jep stimuj, do të vijoj akoma, por në të kundërt do të tërhiqem përfundimisht”, deklaroi portieri italian.
Pavarësisht moshës 43 vjeçare, Buffon ende nuk duket i bindur se ai dëshiron të varë dorezat, por lamtumira me ngjyrat bardhezi tani është e sigurt, pas 19 sezonesh (ndërthurur me përvojën me PSG në 2018/19): "Unë mendoj se kam dhënë gjithçka për Juventuesin. Kam marrë gjithçka dhe më shumë se kaq. Kemi arritur në fund të një cikli dhe është e drejtë të largohem".
Buffon është lojtari me më shumë paraqitje në historinë e Serie A (656) dhe është i dyti për paraqitje në të gjitha garat në historinë e Juve (683, pas Del Pieros). Këtë sezon, si portieri i dytë, ai bëri 12 paraqitje në Serie A, Champions League dhe Coppa Italia, edhe pse gjërat nuk shkuan saktësisht siç i imagjinonte ai: "Na mungonte vazhdimësia. Kundër 5-6 skuadrave më të mira në klasifikim. Në vend të kësaj ne humbëm pikë kundër ekipeve të dobëta. Kjo do të thotë që ishim një skuadër që nuk u rritëm,” theksoi ai.
