Më shumë Europa League sesa kampionati. Mendja e Romës është e gjitha e kthyer në ndeshjen e së enjtes kundër Manchester United. Sezoni i verdhekuqve kalon nga gjysmëfinalja e kupës që vlen më shumë se gjithçka tjetër tani. Në mendjet e lojtarëve tani ekziston vetëm kjo: të sjellin në shtëpi një trofe që do të thotë prestigj absolut. Klasifikimi në Serie A nuk është aspak ngushëllues me atë vend të shtatë krejtësisht të parëndësishëm dhe rrëshqitja e djeshme kundër Cagliarit minoi madje edhe disa siguri. Gjithcka e komplikuar për të menduar pozitivisht.
Sezoni shkon me hapa të mëdha drejt mbylljes dhe Friedkins po punojnë për tjetrin. Zgjedhja e trajnerit do të jetë thelbësore. Paulo Fonseca, i cili ka qenë dhe ndihet nën testim prej disa kohësh, tashmë e ka fletën e largimit në dorë, sepse kërkohet me insistim në Rusi nga Zenit. Në vend të tij pronarët amerikanë, shkruan Il Corriere dello Sport, kanë zgjedhur Maurizio Sarrin. Për ish-trajnerin e Juventusit një klub në nivelin e kërkuar për të rifilluar nga e para.
Përfaqësuesi i trajnerit toskan, menaxheri shqiptar Fali Ramadani është për një turne në Itali dhe pasi ka folur me Napolin për klientët e tij (Koulibaly dhe Maksimovic), do të shkojë në Romë për tu takuar ballë për ballë me Tiago Pinton. Pas ndeshjeve të Europa League, gjithçka mund të përmbushet. Kupë apo pa kupë, në Romë do të ndryshohet.
