"Dua të jem jashtëzakonisht i qartë: FIFA është një organizatë e ndërtuar mbi vlerat e vërteta të sportit dhe si Fifa ne dënojmë me forcë krijimin e një Super League, diçka e mbyllur, një ikje nga institucionet e futbollit. Kushdo që dëshiron të shkojë do të paguajë pasojat". Kjo është ajo që ka deklaruar presidenti i FIFA-s Gianni Infantino në Kongresin e Uefa në Montreux në Zvicër.
Fjalë të pritura dhe shumë të ashpra: Fifa është së bashku me Uefa në përplasjen me 12 klubet themeluese të Super League të kërkuar nga presidenti i Real Madrid Florentino Perez.
"Doja të flisja me ju në lidhje me protokollin "Kthimi në Futboll", doja të flisja me ju për reformën e sistemit të transferimit, doja të flisja me ju për mbrojtjen e fëmijëve tanë për t'i lënë ata të luajnë në një mjedis të sigurt, doja të flisja në lidhje me luftën kundër trukimit të ndeshjeve. Doja tiu flisja për të drejtat e njeriut dhe progresin e pabesueshëm që ka bërë Katari nga ky këndvështrim. Doja tiu flisja për kalendarin ndërkombëtar ose kupën e botës për femra. Por 24 orët e fundit kanë ndryshuar gjithçka dhe kanë vetëm një temë interesi", theksoi Infantino prezent para audiencës së Uefa.
"Dje lexova fjalë të tmerrshme si luftë dhe krim, madje edhe më të tmerrshme kur lidhen me futbollin, lojën që ne të gjithë e duam dhe e cila duhet t'u japë gëzim të gjithëve. Flas padyshim për këtë projektin Super League. Unë dua të jem jashtëzakonisht i qartë për këtë. Fifa është ndërtuar mbi disa vlera, vlerat e vërteta të sportit. Bazohet në statutet tona, të cilat parashikojnë piramidën. Si FIFA, ne vetëm mund të mos e pranojmë Super League: është një dyqan i mbyllur, një ikje nga institucionet aktuale, ligat dhe Federatat. Është jashtë sistemit. Nuk ka dyshim për mosmiratimin e FIFA-s".
"Nëse disa zgjedhin të ndjekin rrugën e tyre, duhet të pranojnë pasojat. Ata janë përgjegjës për zgjedhjet e tyre. Në terma konkrete, kjo do të thotë që ose je brenda ose je jashtë. Nuk mund të jesh përgjysmë. Mendoni se çfarë do të thotë. Fifa është e hapur për të gjithë, të gjithë mund të sjellin ide dhe propozime, që vlerësohen gjithmonë. Por ne duhet të respektojmë institucionet, Fifa, Uefa, historinë, pasionin e kaq shumë njerëzve në botë. Unë e kuptoj se pandemia ka përkeqësuar të gjitha kontrastet, por futbolli bazohet në shpresë. Dhe është shpresa jonë për të siguruar që shpresa të bëhet realitet. Kjo është arsyeja pse shpresoj që gjithçka të kthehet në normalitet dhe të qetësohet. Por gjithmonë me respekt dhe duke vepruar me përgjegjësi, në solidaritet, në interes të futbollit kombëtar, evropian dhe botëror".
