Teuta nuk heq dorë nga asgjë këtë sezon dhe në Niko Dovana mposht 1-0 Kukësin, duke e eleminuar nga Kupa e Shqipërisë në cerekfinale dhe duke i mbyllur rrugën e fundit për në Europë. Të besuarit e Josës u përballën me një presion total të paktën në 25 minutat, kur edhe Emiljano Vila vendosi ndeshjen në minutën e 10 duke shënuar 1-0 në krosimin e Todorovskit nga e djathta.
Blutë rrezikuan edhe të dytin, në goditjet e Bregut e Lorenco Vilës, por më pas Kukësi mori frenat e lojës në kërkim të barazimit. Fillimisht Eze frikësoi Frashërin, që u detyrua të bënte vendimtarin edhe në tentativën e fortë të Baravikas, në minutën e 33. Mes golit e Eze është vënë përsëri Frashëri, që i mbylli portën me eksperiencë.
Kukësi nuk humbi kohë për të kërkuar barazimin, duke u shtyrë përpara me agonizëm, por që për tensionin me të cilin insistoi u penalizua në finalizim. Kundërsulmi ishte sistemi që mund ta nxirrte nga situata Martinin dhe në të 89 Teuta mund të mbyllte ndeshjen, me Plakun që gaboi gjithcka pas sugjerimit të Bregut. Në gjysëmfinale shkon Teuta që vazhdon të ëndërrojë dy trofetë në një sezon të jashtëzakonshëm për ta.
