Skënderbeu arrin gjysëmfinalen e Kupës së Shqipërisë, duke mundur pa probleme 1-3 Dinamon, në Selman Stërmasi. Diferencat në fushë ishin të dukshme, për më tepër që blutë u dukën pa ambicje në këtë ndeshje, përforcuar edhe nga deklaratat e para ndeshjes së presidentit Pontrelli, që përjashtoi Kupën nga objekivat.
Skuadra e Kategorisë së Parëu mundua të mbante mirë fushën, sidomos në mesfushë, por është detyruar të pësojë inisiativën e korcarëve, që pas një sinjali me Mensah në minutën e 14, kaluan përpara po me sulmuesin afrikan, që shënoi në minutën e 21’. Një gol që drejtoi sfidën dhe penalizoi kryeqyetetasit në besim. E përpara se të mbyllej pjesa e parë Berisha realizoi edhe golin e dytë në minutën e 43’, duke qetësuar në pankinë Memellin.
Dinamo u duk se u fut në fushë me tjetër ritëm, kur goditi shtyllën në minutën e 50 me Alillarin, por Pusi i jep fund shpresave me golin e shënuar në minutën e 60. Shpresa që në fakt nuk u ndezën as kur Uelber ngushtoi diferencën në minutën e 65’ e që vulosi përfundimisht rezultatin.
Skëndërbeu po kalon një moment të vështirë, por Kupa është një objektiv i rëndësishëm për Skënderbeun, duke parë se përmes kompeticionit mund të shlyejë një vit dënim nga ai i vendosur nga UEFA.
