Ndeshja më e pritur e mbrëmjes, për vajtjen e 1/8 të Champions League nuk po i zhgënjen pritshmëritë. Në Kamp Nou është Barcelona që merr avantazhin e para, me një 11 metërsh të shndërruar në gol nga Lionel Messi. Argjentinasi ndoshta i ka shënuar skuadrës së tij të re në minutën e 27, por kjo mbetet për tu provuar verën e ardhshme, ndërkohë që reagimi parisien vonoi vetëm 5 minuta.
Kylian Mbappe barazoi rezultatin në minutën e 32, duke marrë një asist të Marco Verratti, që sulmuesi francez nuk mund ta shpërdoronte. Gjithcka nis nga e para, me sfidën në ekuilibër, por me të besuarit e Pochettinos që kanë shënuar një gol me peshë në transfertë.
