Wesley Hoedt nuk luan me fjalët e bën mea culpa kunddrejt tifozëve e shokëve të skuadrës, pas përfaqësimit të dobët në cerekfinalen e Kupës së Italisë kundër Atalantës: "I kërkoj ndjesë të gjithë tifozëve lacialë e shokëve të mi të skuadrës - ka shkruar mbrojtësi në rrjetet sociale pas eleminimit - Ishte faji im nëse u eleminuam. Tani mund vetëm të punoj me kokë ulur, për tiu treguar se nuk jam lojtari që u pa në fushë me Atalantën".
Holandezi ishte padyshim ndër më të këqijtë në fushë në ndeshjen në Gewiss Stadium: i dehur nga Muriel në 2-2 e firmosur nga Malinovskyi, i befasuar në dalje nga Romero në 3-2 e shënuar nga Miranchuk, ai gjithashtu naivisht shkaktoi penalltinë e 4-2 të mundshëm, që pastaj u neutralizua nga Reina. Tani, Hoedt duket i gatshëm të hedhë mbrëmjen e keqe të Bergamo pas shpine dhe të përpiqet të rifitojë besimin e tifozëve të Lazios dhe, mbi të gjitha, të teknikut Inzaghi.
