Polemika Fonseca-Dzeko pasurohet me një kapitull të ri. Sot sulmuesi boshnjak ka vazhduar të punojë individualisht, zyrtarisht për shkak të një dhimbje në fleksor që e kishte ndaluar atë ditët e fundit. Këtë pasdite, megjithatë, lojtari i kishte komunikuar stafit mjekësor të klubit se ndihej më mirë duke u kërkuar atyre që të përpiqeshin ta sforconin duke u kthyer të stërvitej në grup.
Kërkesës së qendërsulmuesit kryesor të skuadrës, që cdo trajner do ta kishte aprovuar me dëshirën për ta patur në skuadër, i është kundërvënë vetë Fonseca. Portugezi ka preferuar që Dzeko të vazhdonte të stërvitej veçmas, duke nxitur pakënaqësinë tek lojtari i cili, megjithatë, nuk e kundërshtoi vendimin e menaxherit.
Në bazë të gjithë situatës, megjithatë, mbetet një thyerje pothuajse e pariparueshme midis dy protagonistëve, që shpërtheu pas eleminimit në Kupën e Italisë dhe duket se derisa të ketë një hap prapa të numrit nëntë verdhekuq, me një falje ndaj trajnerit, atëherë portugezi do të vazhdojë ta bëjë të stërvitet individualisht.
