Pas një ndeshje në pjesën më të madhe të dobët, një finale e pasur me emocione i dhuron Fiorentinës e Genoas një 1-1 që nuk zgjidh problemet e asnjërit, por i jep pak qetësi trajnerit të ligurëve Maran. Përfundon me një barazim ndeshje që mbyll javën e 10 të Serie A, ku sidomos në pjesën e parë ndeshja ishte krejtësisht pa raste, pa ritëm e me portierët spektatorë pa pagesë.
Në pjesën e dytë Fiorentina e rriti lojën dhe shkoi pranë golit me Bonaventura e Amrabat. Ish-lojtari i Milan pa ti anullohet një gol për faull të kryer pikërisht prej tij në fillim të aksionit, ndaj Lerager. Në momentin më të mirë të skuadrës Viola, Prandelli kreu një zëvendësim të trefishtë që e bllokoi Fiorentinën.
E pas një topi të humbur nga Borja Valero, Destro (i futur në fushë për Scamacca) nxorri të lirë Pjacan që nuk gaboi, duke i dhënë avantazhin Genoas. Fiorentina u hodh e gjitha përpara e në aksionin e fundit, lindur nga një krosim i të palodhshmit Biraghi nga e majta, Milenkovic në të 97’15” barazoi rezultatin.
