Paris Saint Germain të premten në mbrëmje ka arritur fitoren e katërt radhazi në gjashtë javë kampionati, ndërsa ka mundur me një rezultat tenistik Angers, 6-1. 12 pikë për kampionët francezë, por që duket se nuk mjaftojnë për të kthyer qetësinë në kampin e kryeqytetasv. Sipas asaj që bën të ditur Gazzetta dello Sport, ka patur një mosmarrëveshje të fortë mes drejtorit sportiv Leonardo e teknikut Tuchel që prishur atmosferën pas fitores.
Ish-drejtuesi milanist, sikurse raporton Goal, duke folur për gazetarët në përfundim të ndeshjes shpjegon që për trajnerin mund të ketë pasoja disiplinore për shkelje të rregullave të klubit. Mbi të gjitha sepse kishte kritikuar pafuqishmërinë e klubit në merkato, i cili, përveç blerjes së Icardi, kishte marrë vetëm Florenzin e Sergio Rico. “Jemi duke kërkuar mundësi të tjera në merkato. Por nuk më kanë pëlqyer deklaratat e Tuchel, nuk i kam kuptuar dhe nuk i kam përtypur, ashtu sikurse nuk i kanë pëlqyer dhe klubit. Do ta shohim nga brenda se çfarë do të bëjmë. Nëse dikush nuk është i kënaqur mund të flasim, nuk ka problem. Por nëse vendos të qëndrojë duhet të respektojë zgjedhjet e klubit. Nuk jemi këtu për të bërë gjyqe, por nevojitet të kesh një farë shpirti sakrifice për klubin. Sepse klubi është gjëja më e rëndësishme. Nuk më kanë pëlqyer fjalët e tij”.
Por çfarë ka thënë Tuchel për ta zemëruar kaq shumë Leonardon? Tekniku ka deklaruar se pa përforcime nuk mund të pretendohet nga ai dhe nga të tijët një tjetër finale në Champions League. “Flasim për sport, për futboll, gjithçka është e mundur. E dimë që për të bërë të njëjtat të vitit të kaluar do të duhet të kemi pak fat në fushë. Nëse mbajmë skuadrën që kemi sot, ndershmërisht, nuk mund të kërkojmë të njëjtat rezultate. Situata kjo është”. Një deklaratë që Paris Saint Germain nuk i ka pëlqyer.
