Asnjë struktur që që ngre rilindja në fund nuk del e pastër. Kjo po ndodh edhe me Operacionit Forca e Ligjit që duket se ka humbur numrin 2 të tij. 7 muaj pasi kaloi të tre filtrat e vettingut, atë profesional, moral e për pasurinë, Artan Shkëmbi, po akuzohet për dekonspirim të operacioneve dhe përfshirje në korrupsion. E madje më e rënda atë nuk e kanë akuzuar autoritetet shqiptare por shërbimet gjermane.
Burime konfidenciale thonë se ky informacion i është përcjellë Prokurorisë së Posaçme Anti-Korrupsion, ku pas hetimeve të kryera ka kërkuar në GJKKO masën e pezullimit nga detyra. Vendimi i pezullimit të Artan Shkëmbit pak ditë më parë, i është përcjellë edhe kreut të policisë së Shtetit Ardi Veliu që ia ka komunikuar Shkëmbit duke e zhveshur nga posti deri në përfundim të hetimeve të nisura ndaj tij.
