Një amerikan rrezikon të përjashtohet nga Danimarka. Nuk është se ka bërë ndonjë gjë të jashtëligjshme, ai vetë jo të paktën, por klubi i tij ka qenë neglizhent. Në Danimarkë, klubi i futbollit ka harruar të rinovojë lejen e punës së Christian Cappis. Policia e Jutland ka vepruar sipas protokollit, duke i marrë pasaportën. Tani, duke përjashtuar ndonjë zgjidhje interesante, Cappis rrezikon të përjashtohet nga Danimarka, pavarësisht se kontrata e tij me Hobro IK, kategoria e dytë, vazhdon edhe për dy vjet të tjerë.
Menaxheri i lojtarit, Johan Wins, ka shpjeguar për Bold.dk situatën në detaje: “E thjeshtë, Hobro IK ka harruar të rinovojë lejen e tij të punës në dhjetor. E harruan. Nuk kam parë kurrë dicka të ngjashme, e pra e kam administruar shumë lojtarë në klube të tjera…”. Sidoqoftë, kjo cështje negative do të lërë gjurmë: “Christian mbërriti në klub me një vizë turistike, por tani dëshira për të vazhduar këtu është e venitur. Askush në klub nuk e telefonoi. Askush nuk u shqetësua për të”.
Tekniku i Hobro IK, Jens Hammer Sørensen, ka ulur menjëherë tonet: “Ka patur një gabim, jemi të gjithë të trishtuar por tani presim urdhërat nga Ministria e Jashtme”. Johan Wins megjithatë nuk ka dashur të dëgjojë justifikime: “Mendoni sakrificat e një 21 vjecari, që jeton larg shtëpisë e që ka provuar të ndihmojë Hobro IK të evitojë rënien nga Superligaen”. Objektiv i dështuar, ndër të tjera, pavarësisht rendimentit pozitiv të Cappis.
