Tjetër frikë për Daley Blind. Mbrojtësi i Ajax, në minutën e 79 të miqësores me Hertha Berlin në Johan Cruijff Arena, është shembur përtokë në zonën e penalltisë pasi është ndjerë keq, duke lënë në ankth 6mijë spektatorët që ishin prezentë në shkallët e stadiumit. Futbollisti është ndihmuar menjëherë nga stafi mjekësor e, pasi kaloi frika, është larguar nga fusha me këmbët e tij. Dicka e ngjashme i kishte ndodhur hollandezit edhe dhjetorin e kaluar.
Shoqëria do të kryejë tashmë kontrolle të reja klinike, por Blind - i datëlindjes 1990 - nuk e ka për herë të parë këtë lloj situate. Në dhjetor 2019, kur ende mbante veshur fanellën e Manchester United, mbrojtësi ka patur të njëjtin shqetësim në një sfidë të Champions League kundër Valencias. Ekzaminimet në atë kohë evidentuan një inflamim të muskulit kardiak e hollandezit i është vënë një defibrilator në trup.
Tekniku i Ajax Erik ten Hag ka komentuar kështu situatën në fund të ndeshjes: "Natyrisht që do ta kontrollojmë. ICD-ja e lojtarit kishte dhënë alarmin në castet para se të rrëzohej përtokë".
